‘भागरथी भट्ट प्रकरण : घाँटी थिचिएर मृत्यु भएको पोस्टमार्टम प्रतिवेदन’

प्रकाशित मिति : २७ माघ २०७७, मंगलबार

बैतडी । बैतडीमा बिहीवार शव भेटिएकी १७ वर्षी भागरथी भट्टको पोस्टमार्टम प्रतिवेदन प्रहरीलाई बुझाइएको बताइएको छ ।
बैतडी अस्पतालले दिएको जानकारी अनुसार प्रहरीलाई बुझाइएको प्रतिवेदनमा भागरथी भट्टको यौनाङ्गमा जबरजस्ती भएको देखिएको, रगत बगेको र घाँटी थिचिएको कारण मृत्यु भएको देखिएको उल्लेख छ ।
डा. बसन्त जोशी लगायत दुई जनाले भट्टको पोस्टमार्टम गरेका थिए ।
सुदूरपश्चिम प्रदेश प्रहरीलाई पोस्टमार्टमको रिपोर्ट प्राप्त भइसकेको छ ।
त्यस ठाउँको परिवेश, घटनाको प्रकृति र पीडितको प्रकृति सबै हेरेर दायरा फराकिलो बनाएर अनुसन्धान शुरू गरिएको र यसलाई क्रमशः प्रमाणीकरण गर्दै दायरा साँघुरो बनाउँदै लाने योजना रहेको सुदूरपश्चिम प्रदेश प्रहरी प्रमुख उत्तमराज सुवेदीले बताएका छन् ।