प्रधानन्यायाधीश चोलेन्द्र शम्शेर जबरा महाभियोग सामना गर्न तयार, ‘राजीनामा नदिने’

प्रकाशित मिति : ९ कार्तिक २०७८, मंगलबार

प्रधानन्यायाधीश चोलेन्द्र शम्शेर जबराले राजीनामा नदिने अडान व्यक्त गरेका छन् ।
प्रधानन्यायधीश शमशेरले आफूले कसैको दबावमा राजीनामा नदिने बताएका छन् ।
आफू संवैधानिक व्यवस्थाअनुसार प्रधानन्यायाधीश बनेको भन्दै उनले सडकबाट राजीनामा माग्दैमा आफू त्यसको निम्ति तयार नहुने दृढता प्रकट गरे ।
नेपाल बार एशोसिएशन तथा पूर्वप्रधानन्यायाधीश लगायतबाट राजीनामाको अपेक्षा भइरहेको देखिएको बेला जबराले त्यस्तो अडान दर्शाएका हुन् ।
प्रधानन्यायाधीश जबराले आफू पदबाट बाहिरिने बाटो संविधानमा व्यवस्था रहेको भन्दै महाभियोगतर्फ सङ्केत गरे ।