श्री मनकामना साकोसको आयोजनामा स्वास्थ्य शिविर सम्पन्न
काभ्रे । काभ्रेको बनेपामा केन्द्रीय कार्यालय रहेको श्री मनकामना बचत तथा ऋण सहकारी संस्था लि. को आयोजनामा एक दिने स्वास्थ्य शिविर सम्पन्न भएको छ ।
स्वास्थ्य शिविरमा कम्युनिटि वेलनेस सेन्टर (सिडब्लुसि पोलिक्लिनिक) को प्राविधिक सहयोग तथा लायन्स क्लब अफ मण्डनदेउपुरको विशेष सहयोग रहेको थियो । उक्त स्वास्थ्य शिविर कार्यक्रमबाट करिब २०० जनाले स्वास्थ्य परिक्षण गरी डाक्टरको परामर्श तथा निशुल्क औषधि लाभ लिएको संस्थाले जानकारी दिएको छ ।
मनकामना साकोसका सदस्यहरुले कम्युनिटि वेलनेस सेन्टरमा उपचार तथा परिक्षण गर्दा ३५% देखि ५०% सम्म छुटको व्यवस्था रहेको पनि संस्थाले जानकारी दिएको छ ।
