विश्वका मै हुँ भन्ने ब्याट्सम्यानलाई हल्लाएका कुलसेकेराले लिए सन्याश
एजेन्सी – सन् २०१४ को टिट्वेन्टी विश्वकप क्रिकेट जिताउन महत्वपुर्ण भूमिका खेलेका श्रीलंकन बलर नुवान कुलसेकेराले खेलाडी जीवनबाट सन्याश लिएका छन् । ३७ वर्षीय कुलसेकेरा पूर्व विश्व नम्बर एक एकदिवशीय बलर पनि हुन् ।
श्रीलंकन क्रिकेटका लागि अन्तर्रा्ष्ट्रिय प्रतिस्पर्धामा सर्वाधिक विकेट लिने फास्ट बलरको सूचीमा उनी चामिन्दा भास र लासिथ मालिंगापछि तेस्रो स्थानमा रहेका छन् । कुलसेकेरा टीट्वेन्टी क्रिकेटमा श्रीलंकाका लागि दोस्रो सर्वा्धिक विकेट लिने बलर हुन् ।
नयाँ बलमा राम्रोसँग स्विङ गराउने क्षमता भएका कुलसेकेरा पुरानो बलमा रिभर्स स्विङ योर्कर फाल्ने क्षमता पनि उनिमा छ । कुलसेकेरा सन् २००९ मा विश्वको नम्बर एक एकदिवशीय बलर बनेका थिए ।
सन् २०१४ को टीट्वेन्टी विश्वकपमा ६ खेलमा ८ विकेट लिएका कुलसेकेराले फाइनलमा भारतविरुद्ध ४ ओभरमा २९ रन खर्चिएर १० डट बलसहित एक विकेट हात पारेका थिए । प्रतियोगितामा उनको बलिङ इकोनोमी केवल ६.४२ रहेको थियो ।
