८ भाद्र २०७६, आईतवार १४:३५

इटाभट्टामा नगरपालिकाले डोजर चलायो, तीन व्यवसायी पक्राउ


मिडिया क्लब नेपाल । काभ्रे

काभ्रेको भकुण्डेमा क्रेनले इटा उद्योगको चिम्नी भत्काउँदै

काभ्रे जिल्लाको नमोबुद्ध नगरपालिकाले नगर क्षेत्रभित्र नियम विपरित सञ्चालन भएका इटा उद्योगमा डोजर चलाएको छ ।
नगरपालिकाले क्रेन र डोजर लगाएर इटा भट्टा भत्काएको हो । नगरपालिकासँग व्यवसायीले गरेको सम्झौताअनुसार असार मसान्तसम्ममा व्यवसायीहरूले भट्टा नभत्काएपछि ३५ दिने सूचना जारी गरेको थियो । व्यवसायीले उक्त सूचनाको अटेर गरेपछि नगरपालिकाले प्रहरीसमेत परिचालन गरी इटाभट्टामा डोजर लगाएको हो ।
नगरपालिका भित्रका ८ वटा भट्टा भत्काउने सूचिमा रहेको बताउँदै नमोबुद्ध नगरपालिकाका मेयर टिपी शर्मा तिमल्सिनाले भने – ‘व्यवसायीले सम्झौता अटेर गरेकाले उद्योगमा डोजर लगाइएको हो ।’

तर व्यवसायीले भने सम्झौताअनुसार भत्काउने तयारीमा रहेका बेला नगरपालिकाले जबर्जस्ती गरेको बताएका छन् । नगरपालिकाले सम्झौता पनि घाटीमा निमोठेर गर्न लगाएको व्यवसायीको आरोप रहेको छ । व्यवसायीहरूले भट्टा जाने बाटोमा स्काभेटर र जेसिवीको अवरोध तेस्र्याए पनि नगरपालिकाले वैकल्पिक बाटोबाट गएर भट्टा भत्काएको थियो ।

तीन पक्राउ

भट्टा भत्काउन खोजेपछि नगर प्रमुखविरुद्ध नाराबाजी गर्ने तीन जना व्यवासायीलाई पक्राउ गरिएको प्रहरीले बताएको छ । पक्राउ पर्नेमा नमोबुद्ध नगरपालिका ३ का किशोर दाहाल, भक्तपुर नगरपालिका ९ का राम सुवाल र भत्तपुर नगरपालिका ८ का राजन भैना रहेको प्रहरीले जानकारी दिएको छ ।

प्रतिक्रिया दिनुहोस
हाम्रो बारेमा
सूचना विभाग दर्ता नं. : 14020-75/76
प्रेस काउन्सिल नेपाल दर्ता नं. : 805-075/076
अध्यक्ष : श्यामकृष्ण लम्साल (एस.के. लम्साल)
सम्पादक : सरोज सत्याल
कार्यकारी सम्पादक : दिपक तिमल्सिना
             
सम्पर्क
ठेगाना : बनेपा, काभ्रे
सम्पर्क कार्यालय : काठमाडौं म.न.पा.–३५, सुविधानगर, काठमाडौं
सम्पर्क नम्बर : ९८४१९७३१२०, ९८५११४२७६६
इमेल ठेगाना : [email protected]
सामाजिक संजालमा हामि