११ पुष २०७६, शुक्रबार १७:४९

बैंकको कर्जा नीति कडा बनाउँदै राष्ट्र बैंक


मिडिया क्लब नेपाल, काठमाडौं । नेपाल राष्ट्र बैंकले कर्जा प्रवाहसम्बन्धी नयाँ निर्देशन जारी गरेको छ । आम्दानीको ५० प्रतिशतमात्रै कर्जा प्रवाह गर्न राष्ट्र बैङ्कले निर्देशन दिएपछि बैंकिङ क्षेत्रमा तरंग पैदा भएको छ ।
यता बैंकर्स तथा अन्य सरोकारवालाहरु भने यस्तो निर्देशनले कर्जा लिएर व्यवसाय गर्न चाहने व्यवसायीलाई निरुत्साहित बनाएको दाबी दाबी गर्दै आएका छन् ।
राष्ट्र बैंकले एकीकृत निर्देशनलाई संशोधन गर्दै ऋणिको कर चुक्ता अनिवार्य गर्नुका साथै ऋण लिने सीमामा समेत कडाइ गरेको हो । नयाँ निर्देशनअनुसार अब बैंकहरुले ऋणीले पेश गरेको कर चुक्ताको प्रमाणपत्रमा उल्लेख भएअनुसार वार्षिक आय गणना गर्नुपर्ने हुन्छ । उक्त आयको ५० प्रतिशतमात्रै कर्जा दिन बैंकहरुलाई निर्देशन दिइएको छ ।
यस्तो खालको व्यवस्थाले कर्जा लिएर व्यवसाय गर्न असहज पर्ने सरोकारवाला तथा विज्ञहरुले बताएका छन् । अझ कतिपय आम्दानी कर चुक्ता प्रमाण पत्रमा नदेखिने भएकाले कर्जा प्रवाह थप संकुचित हुने विज्ञहरुको राय छ ।
राष्ट्र बैंकको नयाँ व्यवस्थाले बैंकहरुलाई कर्जा लगानीमा केही अप्ठेरो पर्ने बैंकर्स संघका अध्यक्ष ज्ञानेन्द्र ढुंगानाले बताएका छन् ।

कर्जाको माग ह्वात्तै घट्ने संकेत, यसो भन्छन विज्ञ –

वाणिज्य बैंकका सीईओहरुको छाता संगठन बैंकर्स संघका अध्यक्ष ज्ञानेन्द्र ढुंगाना भन्छन् – ‘राष्ट्र बैंकको नयाँ व्यवस्थाले कर्जाको माग घटाउनेछ, विशेष गरी साना तथा मझौला ऋणीलाई नयाँ व्यवस्थाले धेरै असर पर्नेछ ।’
विकास बैंकहरुको छाता संगठन डेभलपमेन्ट बैंकर्स एशोसिएसनका महासचिव मनोज ज्ञवाली भन्छन् – ‘पछिल्लो व्यवस्थाबाट अनौपचारिक अर्थतन्त्रलाई प्रोत्साहन मिल्नेछ, कर चुक्ताको प्रमाणपत्र हेरेर वार्षिक आय गणना गर्ने हो भने नेपाल सरकारको अधिकृतले पनि कर्जा लिएर घर बनाउन सक्ने स्थिति हुँदैन ।’

प्रतिक्रिया दिनुहोस
हाम्रो बारेमा
सूचना विभाग दर्ता नं. : 14020-75/76
प्रेस काउन्सिल नेपाल दर्ता नं. : 805-075/076
अध्यक्ष : श्यामकृष्ण लम्साल (एस.के. लम्साल)
सम्पादक : सरोज सत्याल
कार्यकारी सम्पादक : दिपक तिमल्सिना
             
सम्पर्क
ठेगाना : बनेपा, काभ्रे
सम्पर्क कार्यालय : काठमाडौं म.न.पा.–३५, सुविधानगर, काठमाडौं
सम्पर्क नम्बर : ९८४१९७३१२०, ९८५११४२७६६
इमेल ठेगाना : [email protected]
सामाजिक संजालमा हामि