दोलखाको चरिकोटमा रहेको एनसेल टावरमा आगजनी

प्रकाशित मिति : १६ माघ २०७६, बिहिबार

मिडिया क्लब नेपाल, दोलखा । दोलखा जिल्लाको भीमेश्वर नगरपालिका वडा नम्बर ३, चरिकोट (चरिघ्याङ) मा रहेको एनसेल टावरमा आगजनी भएको छ ।

एनसेल टावरको बिटिएस क्याबिनेट बक्सभित्र रहेको १२ भोल्टको ब्याट्रि ८ थान, पावर प्लान र केवल तार अज्ञात समुहले जलाएको जिल्ला प्रहरी कार्यालय, दोलखाले जानकारी दिएको छ ।
हिजो राति भएको उक्त घटनामा कुन समुहको संलग्नता रहेको भन्नेबारे अनुसन्धान भइरहेको जिल्ला प्रहरी कार्यालय, दोलखाले बताएको छ ।

पछिल्लो समय विप्लव समुहले देशका विभिन्न भागमा रहेका एनसेल टावरलाई निशाना बनाई बिस्फोट गराउँदै आएका छन् ।