२८ असार २०७७, आईतवार १९:३०

नेपालमा पुनः सलहको प्रवेश, किसान चिन्तित


मिडिया क्लब नेपाल । दाङमा भारतबाट सलहको ठूलो समूह भित्रिएको छ । भारतसँग जोडिएको कोइलाबास हुँदै सलहको ठूलो समूह नेपालतर्फ छिरेको हो ।
आइतवार छिरेको सलहको उक्त समूहले राप्ती गाउँपालिका र गढवा गाउँपालिका–२ का कृषकले लगाएको बालीमा क्षति पु¥याएको छ ।

कोइलाबास नाकाबाट पसेको सलहको झुण्डले दुईवटा गाउँपालिकामा क्षति गरेको खबर आएको छ । कृषकहरूले ठूलो आवाजमा टिन बजाएर र अन्य उपाय लगाएर भगाएका छन् । यी दुई गाउँपालिकाबाट भगाएपछि सलहको समूह पहाडी भेगतिर लागेको छ। दाङका पहाडी क्षेत्रतर्फ लागेको सलहको समूह प्युठानसम्म पुगेको अनुमान गरिएको छ । स्थानीय कृषकहरूका अनुसार त्यहाँबाट लखेट्न सकिएकाले ठूलो क्षति गर्न पाएन । कृषि ज्ञान केन्द्र दाङका अनुसार सलहको यो समूह भारतबाट आजै छिरेको हो ।

कृषकहरूले करोडको समूहमा आएको हुन सक्ने जानकारी दिएका छन् । सलहको नयाँ समूह पसेको जानकारी पाएपछि कृषि प्राविधिकहरुको टोली फिल्डमै रहेको उनले बताए ।

प्रतिक्रिया दिनुहोस
हाम्रो बारेमा
सूचना विभाग दर्ता नं. : 14020-75/76
प्रेस काउन्सिल नेपाल दर्ता नं. : 805-075/076
अध्यक्ष : श्यामकृष्ण लम्साल (एस.के. लम्साल)
सम्पादक : सरोज सत्याल
कार्यकारी सम्पादक : दिपक तिमल्सिना
             
सम्पर्क
ठेगाना : बनेपा, काभ्रे
सम्पर्क कार्यालय : काठमाडौं म.न.पा.–३५, सुविधानगर, काठमाडौं
सम्पर्क नम्बर : ९८४१९७३१२०, ९८५११४२७६६
इमेल ठेगाना : [email protected]
सामाजिक संजालमा हामि