२४ मंसिर २०७७, बुधबार १७:४५

नमोबुद्धमा ‘युवाहरुलाई सहुलियतपूर्ण कर्जा प्रवाह’बारे अन्र्तक्रिया


काभ्रे । जिल्लाको नमोबुद्ध नगरपालिकामा नगपालिकाभित्र रहेका युवाहरुलाई लक्षित गर्दै सहुलियतपूर्ण कर्जा प्रवाह गर्नेबारे अन्तक्र्रिया कार्यक्रम सम्पन्न भएको छ ।
नमोबुद्ध नगर युवा परिषदको आयोजनामा नगरपालिकाभित्र रहेका बैंक तथा वित्तीय संस्थाका शाखा प्रमुखहरुसँग बुधबार अन्तक्र्रिया सम्पन्न भएको हो । नगर प्रमुख एवं नगर युवा परिषद्का अध्यक्ष टिपी शर्मा तिमल्सिनाको अध्यक्षतामा कार्यक्रम भएको थियो । कार्यक्रममा नमोबुद्ध नगरपालिकाभित्र शाखा रहेका पाँचवटा बैंकका शाखा प्रमुखहरुको सहभागिता रहेको थियो ।
कार्यक्रममा नगर प्रमुख तिमल्सिनाले नगरपालिकाभित्र युवाहरुको उद्यमशिलता रोजगारीका लागि सहुलियतपूर्ण कर्जा प्रवाहलाई सहज बनाउन बैंकका शाखा प्रमुखहरुलाई आग्रह गरेका थिए । सहुलितयपूर्ण कर्जा प्रवाह र त्यसको उपयोगिताबारे अनुगमन गर्ने तथा युवाहरुलाई वित्तीय साक्षरता, उद्यमशिलता र सीप विकासका तालिमहरु युवा परिषलमार्फत आयोजना गर्ने प्रतिबद्धता नगर प्रमुख तिमल्सिनाले व्यक्त गरे ।
कार्यक्रमबाट नमोबुद्ध नगरपालिकाभित्र उद्यम गर्न चाहने युवाहरुका लागि सहुलियतपूर्ण रुपमा कर्जा प्रवाहलाई सहज, व्यवस्थित र प्रभावकारी बनाउन साझा कार्यविधि तयार पारी सबै बैंकले कार्यान्वयन गर्ने निर्णय भएको छ ।

प्रतिक्रिया दिनुहोस
हाम्रो बारेमा
सूचना विभाग दर्ता नं. : 14020-75/76
प्रेस काउन्सिल नेपाल दर्ता नं. : 805-075/076
अध्यक्ष : श्यामकृष्ण लम्साल (एस.के. लम्साल)
सम्पादक : सरोज सत्याल
कार्यकारी सम्पादक : दिपक तिमल्सिना
             
सम्पर्क
ठेगाना : बनेपा, काभ्रे
सम्पर्क कार्यालय : काठमाडौं म.न.पा.–३५, सुविधानगर, काठमाडौं
सम्पर्क नम्बर : ९८४१९७३१२०, ९८५११४२७६६
इमेल ठेगाना : [email protected]
सामाजिक संजालमा हामि