१४ पुष २०७७, मंगलवार ११:५४

‘काभ्रेको बेथानचोकमा नेकपा एक ढिक्का’


बेथानचोक–१ बाट नेकपाका सबै सदस्य एक ढिक्का हुने एक अभियानको सुरुवात

काभ्रे । वर्तमान प्रधानमन्त्री केपी शर्मा ओलीले संसद विघटन गरेपछि केन्द्रीय तहमा फुटेको नेकपाको असर स्थानीय तहसम्म पुगेको छ ।
तर काभ्रे जिल्लाको बेथानचोक गाउँपालिकामा भने नेकपा एक ढिक्का भएको सन्देश त्यहाँ नेकपा नेताहरुले दिएका छन् ।
बेथानचोक गाउँपालिका वडा नं. १, च्याम्राङवेशीबाट गाउँपालिका भरिका नेकपा एक ढिक्का हुने अभियानको सुरुवात भएको बेथानचोकको एक नेताले बताएका छन् । सोमबार बेथानचोक गाउँपालिका वडा नं. १ मा भएको एक कार्यक्रममा नेताहरुले यस्तो बताएका हुन् ।
नेपाल कम्युनिष्ट पार्टि, काभ्रे जिल्ला कमिटि सदस्यहरु मर्दानसिं तामाङ ‘पेमा’, तारा राना तथा नेकपा, बेथानचोकका नेता प्रेम लामा सहित अन्य नेताहरु सहभागि रहेको कार्यक्रममा सबै एकबद्ध भएर एक ढिक्का रहेको सन्देश दिएका हुन् ।
उक्त कार्यक्रममा बेथानचोक १ नं. वडा कमिटि (नेकपा) का अध्यक्ष डण्डप्रसाद दाहालले गाउँमा गुटबन्दी र फुटको कुरा लिएर आउने नेतालाई स्वागत नै नगर्ने बताएका छन् ।
जिल्ला कमिटि सदस्य मर्दानसिंह तामाङ ‘पेमा’ ले प्रधानमन्त्री केपी शर्मा ओलीले पार्टी एकताको सुरुदेखि नै गद्दार गरेको बताएका छन् ।

प्रतिक्रिया दिनुहोस
हाम्रो बारेमा
सूचना विभाग दर्ता नं. : 14020-75/76
प्रेस काउन्सिल नेपाल दर्ता नं. : 805-075/076
अध्यक्ष : श्यामकृष्ण लम्साल (एस.के. लम्साल)
सम्पादक : सरोज सत्याल
कार्यकारी सम्पादक : दिपक तिमल्सिना
             
सम्पर्क
ठेगाना : बनेपा, काभ्रे
सम्पर्क कार्यालय : काठमाडौं म.न.पा.–३५, सुविधानगर, काठमाडौं
सम्पर्क नम्बर : ९८४१९७३१२०, ९८५११४२७६६
इमेल ठेगाना : [email protected]
सामाजिक संजालमा हामि