२० असार २०७८, आईतवार १८:४७

‘सरकारसँग विप्लव समूह असन्तुष्ट’


काठमाडौं । विप्लव नेतृृत्वको नेकपा सरकारसँग असन्तुष्ट बन्दै गएको छ । नेकपा विप्लव समूहले सहमतिअनुसार नेता कार्यकर्ता नछुटेको भन्दै असन्तुष्टि जनाएको हो ।
नेताद्वय खड्गबहादुर विश्वकर्मा ‘प्रकाण्ड’ र धर्मेन्द्र बास्तोलाले आइतबार प्रधानमन्त्री केपी शर्मा ओलीलाई भेटेर सहमति कार्यान्वयन नभएको गुनासो गरेका हुन् ।
सरकार र विप्लव समूहबीच २१ फागुन २०७७ मा तीनबुँदे सहमति भएको थियो, जसमा विप्लव समूह शान्तिपूणर् राजनीतिमा आउने र सरकारले प्रतिबन्ध फुकुवा गरेर कारागारमा रहेका नेता कार्यकर्ता रिहा गर्ने उल्लेख छ । सहमतिअनुसार केही नेता कार्यकर्ता छुटे पनि अझै थुप्रै कार्यकर्ता छुट्न बाँकी छन् ।
समूहका प्रवक्ता प्रकाण्डले प्रधानमन्त्री ओलीलाई भेटेर तत्काल कार्यकर्ता रिहाइको प्रक्रिया अघि बढाउन ध्यानाकर्षण गराइएको बताए । आइतबार पत्रकार सम्मेलन गरेर प्रकाण्डले भने, ‘तीन बुँदे समझदारीमा उल्लेखित विषयलाई १० दिनभित्र पूरा गर्न भनेका छौं ।’
प्रधानमन्त्री ओली पनि यसमा सकरात्मक रहेको उनले बताए । प्रकाण्डले भने, ‘प्रधानमन्त्रीले यस सम्बन्धि कार्यको सहजिकरण गर्न परराष्ट्र सल्लाहकार एवं वार्ता समितिका सदस्य राजन भट्टराईलाई निर्देशन दिनुभएको छ ।’

प्रतिक्रिया दिनुहोस
हाम्रो बारेमा
सूचना विभाग दर्ता नं. : 14020-75/76
प्रेस काउन्सिल नेपाल दर्ता नं. : 805-075/076
अध्यक्ष : श्यामकृष्ण लम्साल (एस.के. लम्साल)
सम्पादक : सरोज सत्याल
कार्यकारी सम्पादक : दिपक तिमल्सिना
             
सम्पर्क
ठेगाना : बनेपा, काभ्रे
सम्पर्क कार्यालय : काठमाडौं म.न.पा.–३५, सुविधानगर, काठमाडौं
सम्पर्क नम्बर : ९८४१९७३१२०, ९८५११४२७६६
इमेल ठेगाना : [email protected]
सामाजिक संजालमा हामि