धुलिखेल नगरका प्रमुख ब्यान्जु नगरपालिका संघकाे अध्यक्षमा निर्वाचित

प्रकाशित मिति : १५ भाद्र २०७५, शुक्रबार

काठमाडौं, १४ भदौ
धुलिखेल नगरपालिकाका प्रमुख अशोक ब्यान्जु नगरपालिका संघको अध्यक्षमा निर्वाचित भएका छन् । संघको छैटौं अधिवेशनबाट ब्यान्जु अध्यक्षमा निर्वाचित भएका हुन् । काभ्रेको धुलिखेल देशकै नमूना नगरपालिकासमेत हो । उनी तत्कालीन एमालेबाट नगरकाे प्रमुखमा निर्वाचित भएका थिए ।

उपाध्यक्षमा बेलकोटगढी नगरपालिका नुवाकोटकी उपप्रमुख कविता ढुंगाना निर्वाचित भएकी छिन् । उपाध्यक्ष ढुंगाना तत्कालीन माअाेवादीबाट निर्वाचित भएकी थिइन् । महासचिवमा भीम ढुंगाना र कोषाध्यक्षमा घनश्याम पाण्डे दाङबाट निर्वाचित भएका छन् ।

काभ्रेकै पाँचखाल नगरपालिकका प्रमुख महेश खरेल केन्द्रीय सदस्यमा निर्वाचित भएका छन् ।