नेपालमा कोभिड खोपको दोस्रो चरण, कसको पालो ?

प्रकाशित मिति : २६ माघ २०७७, सोमबार

काठमाडौं । केही साता अघि पहिलो चरणमा स्वास्थ्यकर्मी तथा कोरोनाभाइरस उपचार तथा व्यवस्थापनमा अग्रपङ्तिमा खटिएकाहरूलाई निःशुल्क कोभिड खोप लगाइएको थियो ।
सोमवारदेखि शुरु हुने दोस्रो चरणमा भने सार्वजनिक कामका निम्ति भिडभाड हुने निजी तथा सरकारी कार्यालयका कर्मचारी एवं धेरै मानिसहरूसँग प्रत्यक्ष सम्पर्क गर्नुपर्ने जिम्मेवारी भएकाहरूलाई खोप लगाइने योजना रहेको स्वास्थ्य मन्त्रालयका एक अधिकारीले बताएका छन् ।
बैङ्कहरू, मालपोत तथा नापी कार्यालय, स्थानीय निकायहरू, खानेपानी तथा विद्युत कार्यालय, दूरसञ्चारसँग सम्बन्धित कार्यालय र सञ्चारकर्मीहरूलाई लक्षित गरी सोमवारदेखि खोप लगाउन सुरु गरिएको छ ।
यो चरणमा करिब तीन लाख मानिसलाई खोप लगाउने योजना रहेको पनि स्वास्थ्य मन्त्रालयले बताएको छ ।
विभिन्न निकायहरूका निम्ति विभिन्न अस्पतालमा खोप केन्द्र तोकेर अभियान सञ्चालन भएको छ ।