ग्रामिण भेगमा रहेको शैलुङ्गेश्वरी साकोसले बनायो १४ करोडको वासलात, खुद नाफामा ४९% ले वृद्धि

प्रकाशित मिति : १५ श्रावण २०८०, सोमबार

काभ्रे । काभ्रेपलाञ्चोक जिल्लाको चौरीदेउराली गाउँपालिका वडा न. ०३, माझिफेदामा रहेको शैलुङ्गेश्वरी बचत तथा ऋण सहकारी संस्था लि। ले आ.व. ०७९/८० को असार मसान्तसम्म लगभग १४ करोडको वासलात निर्माण गरेको छ ।
ग्रामिण भेगमा रही सदस्यहरुलाई वित्तीय सेवाका साथसाथै अन्य सेवा सुविधा दिँदै आएको यस साकोसले गत आ.व.मा आफ्नो नाफालाई पनि बढाएको छ । खुद नाफामा अघिल्लो आ.व.को तुलनामा ४९% ले वृद्धि गरेको छ ।
यस अवधीमा संस्थाको शेयर पूँजीमा पनि ४१.०५% ले वृद्धि भएको छ भने ऋण लगानी पनि १९.४८% ले वृद्धि भएको छ ।

हालसम्म संस्थामा ११५२ जना सदस्य आबद्ध भई सेवा लिइरहनु भएको व्यवस्थापक दिपेन्द्र चौलागाईंले बताउनुभयो । संस्था बलियो बनाई सदस्य सेवालाई अझै बिस्तार गर्नका लागि संस्थाले सामाजिक उत्तरदायित्व वहन गर्दै विभिन्न सामाजिक क्रियाकलाप पनि सञ्चालन गर्दै आएको छ ।