बर्दिवास घटनामा मानव अधिकार आयोगको गम्भीर ध्यानाकर्षण

प्रकाशित मिति : १० मंसिर २०७७, बुधबार

काठमाडौं । राष्ट्रिय मानव अधिकार आयोगले महोत्तरीको बर्दिवास नगरपालिकाकी ६ वर्षीया बालिका गुलाब खातुनको हत्या प्रकरणमा भएको आगजनी तथा प्रदर्शनको क्रममा प्रहरीको गोली लागि एक जनाको मृत्यु भएको तथा अन्य व्यक्तिहरू घाइते भएको घटनाप्रति गम्भीर ध्यानाकर्षण भएको छ ।
आयोगको एक विज्ञप्तिमार्फत प्रहरीले चलाएको गोली लागी महोत्तरीको बर्दिवास नगरपालिकाका सञ्जय भनिने बुद्धिराज न्यौपानेको मृत्यु भएको तथा अन्य व्यक्तिहरू घाइते भएको आयोगको प्रारम्भिक अनुगमनबाट पाइएको जनाएको छ । यसबारे आयोगको प्रदेश २ कार्यालय जनकपुरबाट स्थलगत अनुगमन भइरहेको आयोगले बताएको छ ।