कोरोना भाइरस खोप बेलायतमा पनि स्विकृत
एजेन्सी । यूके फाइजरर बायो एनटेक खोपलाई बृहत रूपमा प्रयोग गर्न अनुमति दिने विश्वकै पहिलो देश बनेको छ ।
ब्रिटिश नियामक संस्था एमएचआरएका अनुसार ९५ प्रतिशतसम्म सुरक्षा प्रदान गर्ने सो खोप आगामी सातादेखि लगाउन सुरु गर्न सकिन्छ ।
यूकेले सो खोपको चार करोड मात्रा किनिसकेको छ जुन दुई करोड मानिसलाई पर्याप्त हुने बताइएको छ ।
खोपको इतिहासमा यो सबैभन्दा छिटो स्वीकृति पाउने खोप बनेको छ ।
दश महिनाको अवधिमा यो खोप योजनाबाट अनुमतिसम्म आइपुगेको हो ।
कतिपय खोपका लागि यो अवधि एक दशकभन्दा लामो भएका थिए ।
खोप कार्यक्रमका लागि लगभग ५० अस्पताल तयारी अवस्थामा राखिएको र अन्य खोप केन्द्रहरू तयार गर्न थालिएको बताइएको छ ।
