‘होला त केपी शर्मा ओलीलाई अनुशासनको कारबाही ?’
काठमाडौं । सत्तारुढ नेपाल कम्युनिस्ट पार्टी (नेकपा) को पूर्वनिर्धारित स्थायी कमिटी बैठकमा सहभागी हुन नेताहरु बालुवाटारमा भेला हुन थालेका छन् ।
प्रधानमन्त्री केपी शर्मा ओलीले आज बिहान मात्रै आकस्मिक मन्त्री परिषद बैठक राखेर संसद विघटन गर्न राष्ट्रपति समक्ष सिफारिस गरेका थिए । नेकपाका अधिकांश नेताले प्रधानमन्त्रीको यो कदम असंवैधानिक भएको बताएका छन् ।
यो स्थायी कमिटीको बैठकले प्रधानमन्त्री ओलीलाई अनुशासनको कारबाही गर्न सक्ने र थप निर्णयका लागि तत्काल केन्द्रीय कमिटी एवं संसदीय दलको बैठक बस्न सक्ने नेकपाका एक नेताले जानकारी दिएका छन् ।
बैठकमा प्रधानमन्त्रीमाथि अनुशासनको प्रश्न उठ्न सक्ने बताइएको छ ।
