जलवायु परिवर्तन : चार वर्षदेखि पानी नपरेपछि ‘कीराफट्याङ्ग्रा खानुपर्ने बाध्यता’ (हेर्नुहोस)

प्रकाशित मिति : ९ भाद्र २०७८, बुधबार

म्याडग्यास्कर जलवायु परिवर्तनका कारण उत्पन्न संसारकै पहिलो भोकमरीको सँघारमा पुगेको संयुक्त राष्ट्रसङ्घले जनाएको छ ।
राष्ट्रसङ्घका अनुसार चार वर्षदेखि वर्षा नभएकाले त्यहाँ हजारौँ मानिसहरू अहिले नै डरलाग्दो भोक र खाद्यान्न असुरक्षाबाट प्रभावित भएका छन् ।
राष्ट्रसङ्घका अनुसार पाँच वर्षमुनिका कम्तीमा पाँच लाख बालबालिका कुपोषणको सिकार हुने सम्भावना छ ।
यो चार दशकको सबैभन्दा नराम्रो सुक्खा हो । यसबाट देशको दक्षिणी भेगमा बस्ने खेतीपाती गर्ने समुदाय नराम्ररी प्रभावित भएका छन् । उनीहरू बाँच्नका लागि कीराफट्याङ्ग्रा खान बाध्य भएका छन् ।
अहिले ३० हजार मानिसले पाँचौँ तह अर्थात् सबैभन्दा नराम्रो तहको खाद्य असुरक्षा खेप्नुपरेको राष्ट्रसङ्घको आकलन छ । खेती सुरु गर्ने र बालीनाली भित्र्याउने बेलाबीचको अभाव हुने समय सुरु भएपछि म्याडग्यास्करमा प्रभावित मानिसको सङ्ख्या ह्वात्तै बढ्ने चिन्ता व्याप्त छ ।