ग्लोबल मनि विकको सन्दर्भमा बुडोल सामुदायिकको आयोजनामा वित्तीय साक्षरता शिविर सम्पन्न

प्रकाशित मिति : ७ चैत्र २०८०, बुधबार

काभ्रे । बुडोल सामुदायिक साकोसले ग्लोबल मनि विकको तेश्रो दिन बनेपा न.पा. वडा नं. ४, करुणामय मन्दिर परिसर, नालामा “वित्तीय साक्षरता” कार्यक्रम सम्पन्न गरेको छ ।
‘आफ्नो पैसाको रक्षा गरौं, आफ्नो भविष्यको सुरक्षा गरौं’ भन्ने नाराका साथ साताव्यापी रूपमा ग्लोबल मनि विक मनाइदै छ । साकोसले आयोजना गरेको उक्त कार्यक्रममा २६ जना स्थानीय सदस्यहरुको उपस्थिति रहेको बताइएको छ । कार्यक्रममा सदस्यहरुलाई पैसाको महत्व, व्यवस्थापन, पारिवारिक बजेट निर्माण तथा आम्दानी खर्चको लेखाजोखा राख्न र योजना अनुरुप खर्च व्यवस्थापन गर्न, साथै कस्ता सहकारीमा आफ्नो बचत सुरक्षित हुन्छन्, असल सहकारी कसरी पहिचान गर्ने, सहकारीको अवधारण, बचतको महत्व, पैसाको सुरक्षा लगायत बुडोल सामुदायिक साकोससंग सम्बन्धित विविध विषयमा संस्थाका ऋण अधिकृत उमेश आचार्यले जानकारी गराउनुभएको थियो । कार्यक्रममा सदस्य सेवा शाखा प्रमुख अनिता थापा, टुकुचा जागरण सेवाकेन्द्र प्रमुख दिनेश बाँस्कोटा र कर्मचारी सन्तोष घिमिरेको उपस्थिति रहेको थियो ।

बुडोल सामुदायिक साकोसले साताभर नै कार्यक्रम आयोजना गरिरहेको छ ।