सबैभन्दा कम उमेरमा अर्बपति बनेकी ‘एलिजाबेथ होल्म्स’
चर्चित फोर्ब्स पत्रिकाका अनुसार एलिजाबेथ होल्म्स विश्वको सबैभन्दा कम उमेरमा आफैँ कमाएर अर्बपति बनेकी महिला थिइन् ।
अर्को चर्चित पत्रिका इन्कले उनको तस्बिर कभरमा राखेर लेखेको थियो : अर्की स्टीभ जब्स ।
सन् २०१४ मा ३० वर्षकी एलिजाबेथ होम्ज शिखरमा थिइन् । स्ट्यान्फर्ड विश्वविद्यालय बीचमै छोडेकी उनले रोग निदानको क्षेत्रमा क्रान्तिकारी परिवर्तन ल्याउने दाबी गर्ने नौ अर्ब अमेरिकी डलर मूल्याङ्कन भएको कम्पनी स्थापना गरेकी थिइन् ।
थेरनोस कम्पनीले एडिसन टेस्ट गर्दा केही थोपा रगतबाटै क्यान्सरदेखि मधुमेहसम्म धेरै रोगहरू पत्ता लगाउने बताएको थियो ।
अमेरिकाका दुई पूर्वविदेशमन्त्रीदेखि चर्चित अर्बपतिहरूले थेरनोसमा लगानी गरेका थिए ।
