बुडोल सामुदायिक साकोसले दियो सञ्चालक र कर्मचारीलाई ‘उद्घोषण तालिम’

प्रकाशित मिति : २६ फाल्गुन २०८०, शनिबार

काभ्रे । बुडोल सामुदायिक बचत तथा ऋण सहकारी संस्थाले रजत महोत्सव विविध कार्यक्रम गरी मनाइरहेको छ ।
रजत महोत्सवको अवसरमा उद्घोषण तालिम सम्पन्न गरेको छ । २०८० फागुन २० गतेदेखि २५ गतेसम्म सञ्चालन भएको कार्यक्रममा संस्थाका सञ्चालक समिति, लेखा तथा सुपरिवेक्षण समिति, विभिन्न उपसमितिका पदाधिकारी र कर्मचारीसहित २० जनाको सहभागिता रहेको संस्थाले जनाएको छ ।
उद्घोषण तालिम कार्यक्रम समापन तथा प्रमाणपत्र वितरण कार्यक्रमको सभापतित्व संस्थाका अध्यक्ष कैलाश के.सी.ले गर्नुभएको थियो भने प्रमुख अतिथि जिल्ला सहकारी संघ लि. काभ्रेका अध्यक्ष दिलिप शर्मा हुनुहुन्थ्यो । कार्यक्रममा संस्थाका लेखा तथा सुपरिवेक्षण समिति संयोजक पूर्णबहादुर कार्की, सचिव जयराम थापा, शिक्षा तथा प्रकाशन उपसमिति संयोजक प्रकाश भुर्तेल, कार्यक्रमका प्रशिक्षक शुभराज अधिकारीको उपस्थिति रहेको थियो ।
६ दिने उद्घोषण तालिम कार्यक्रमका प्रशिक्षार्थीहरुलाई प्रमुख अतिथिले प्रमाण पत्र हस्तान्तरण गर्नुभएको थियो ।