९ मंसिर २०७७, मंगलवार १७:४६

नेपाली अब गरिब छैनन : चार महिनामा ४ खर्बको आयात


काठमाडौं । चालु आर्थिक वर्ष २०७७/७८ को पहिलो चार महिनामा ४ खर्ब रुपैयाँको वस्तु आयात भएको छ । आर्थिक मन्दि भएका बेलामा पनि नेपालीको ४ खर्ब रुपैयाँ बाहिरिएको छ । तर सोही अवधिमा निर्यातको आकडा भने ४० अर्ब रुपैयाँ मात्र रहेको छ ।
भन्सार विभागले सार्वजनिक गरेको तथ्यांक अनुसार साउन–कात्तिकसम्म अघिल्लो आर्थिक वर्षको यसै अवधिको तुलनामा आयातमा केही गिरावट देखिएको छ । निर्यातमा भने सामान्य वृद्धि भएको छ । विभागका अनुसार चार महिनामा ४ खर्ब २ अर्ब ४९ करोड रुपैयाँ बराबरको वस्तु आयात भएको छ ।
उच्च आयात र न्यून निर्यातका कारण नेपालको व्यापार घाटा समेत उच्च छ । तर, वैदेशिक व्यापारका प्रवृत्तिमा व्यापार घाटा भने केही कम भइरहेको छ । तथ्यांकअनुसार चार महिनामा नेपालको कुल व्यापार घाटा ३ खर्ब ६२ अर्ब २९ करोड रुपैयाँ बराबरको भएको छ । यो अघिल्लो आवको यसै अवधिको तुलनामा १२.४९ प्रतिशत गिरावट हो ।
सो आवको ४ महिनामा ४ खर्ब १४ अर्ब रुपैयाँ बराबरको व्यापार घाटा रहेको थियो । ४ महिनाको अवधिमा ४ खर्ब ४२ अर्ब ६९ करोड रुपैयाँको कुल वैदेशिक व्यापार भएको छ । यस अवधिमा ९.०२ प्रतिशतको गिरावट आएको छ ।

प्रतिक्रिया दिनुहोस
हाम्रो बारेमा
सूचना विभाग दर्ता नं. : 14020-75/76
प्रेस काउन्सिल नेपाल दर्ता नं. : 805-075/076
अध्यक्ष : श्यामकृष्ण लम्साल (एस.के. लम्साल)
सम्पादक : सरोज सत्याल
कार्यकारी सम्पादक : दिपक तिमल्सिना
             
सम्पर्क
ठेगाना : बनेपा, काभ्रे
सम्पर्क कार्यालय : काठमाडौं म.न.पा.–३५, सुविधानगर, काठमाडौं
सम्पर्क नम्बर : ९८४१९७३१२०, ९८५११४२७६६
इमेल ठेगाना : [email protected]
सामाजिक संजालमा हामि